SINGARAJA FM,-Kabupaten Buleleng ngirimang Kesenian Barong Ket ring PKB 2025 sane kapertama. Kapertama garapan Barong Ket khas Bali Utara tampil olih Sanggar Tri Bhuwanan Giri saking Desa Banyuatis, Kecamatan Banjar. Sesolahan Barong Ket puniki ngawinang para pamiarsa nudut kayun ring panggung terbuka Ardha Candra Denpasar, Saniscara (5/7/2025) wengi.
Pembina Sanggar Gede
Yudi Gautama maosang, dane ngamiletin
mawit saking rumasa jejeh indik kirangnyane representasi Barong
Ket saking Bali Utara ngawit PKB kapertama kalaksanayang, sujatinyane ring
Kabupaten Buleleng akeh madue potensi.
PKB 2025 sane maunteng
" Jagat Kerthi, Lokahita Samudaya" garapan Bapang Barong Ket Buleleng
nyihnayang keharmonisan pawongan lan palemahan. Kawangun antuk struktur klasik
minakadi pepeson, Condong, Goak Macok, Pelayon, lan Omang, garapan puniki
nyihnayang akehnyane musikalitas lan koreografi gaya Bali Utara.
Ciri khas Buleleng sane
kacihnayang antuk gamelan Gong Kebyar antuk tempo dinamis lan teknik ngoncang
sane negesin tekstur musikal. Koreografi sane kadagingin antuk aksen kekebyaran, taler ngukuhang
identitas lokal sabe sayan langka.
" Yadiastun nenten
ngamolihan jayanti, nanging tetep rumasa bangga. Niki pinaka pangawit antuk
masa depan Barong Ket ring Buleleng" Teges Yudi.
0Komentar