SINGARAJA FM,-Tokoh Si Luh Pasek sane ceritanyane arang kauningin olih krama, sane mangkin mewali ngamolihang panggung ring Pesta Kesenian Bali 2025. Nglintangin saking silih tunggil karya sane mamurda " Rungu I Meme" sane kasobiahang olih Gong Kebyar Dewasa Duta Kabupaten Buleleng saking Sanggar Seni Anglocita Suara, ring Panggung Terbuka Ardha Candra, Denpasar, Sukra 11 Juli 2025.
Garapak kreasi puniki
ngawetuang malih ibu Ki Barak Panjisakti. Igel- igelan puniki dados refleksi
lan ngaturang parama suksma majeng ring peran ibu pinaka sumbet kauripan
jagate.
Rikala katemuin
manggala Sanggar, Putu Aldi Philberta Harta Celuk, maosang indik kasayagayan
sesolahan puniki sampun kamargian ngawit saking sasih januari. Manut dane,
karya " Rungu I Meme" mateges " Mendengar Ibuku". Pinak
pakeling yening ring sajeroning kahuripan, iraga lali yening jagat sane pinih
sujati nenten lian wantah ibu.
Konsep Rungu I Meme
puniki mete saking pikayunan indik martbat ibu pinaka sumber kahuripan. Ring
tradisi Jagad Kerthi sane wenten ring Bali, ngajinin ibu nenten wantah marupa
simbolis, sakemaon taler pinaka dasar spriritual.
Antuk ngawetuang carita
Si Luh Pasek yadiastun arang kabaosang, sampun ngembasang tokoh Ki Barak Panji
Sakti, Sanggar Anglocita Suara meled ngawetuang peran ibu ring narasi sejarah
lan budaya Bali.
0Komentar