SINGARAJAFM,-Tumpek Wayang sane kalaksanayang nyabran rahina Saniscara Kliwon Wuku Wayang, saniscara 18 Januari 2025 patut kadadosang revitalisasi angga antuk nyuciang pikayunan utawi utsaha antuk ngelestariang seni pewayangan. Mawinan, seni sesolahan pewayangan ring Bali sekadi menek gunung nyuun batu, taler sampun sayan katilarin olih penonton lan kirang regenerasi. Jro Dalang Gede Arum Gunawan maosang yening senu sesolahan pewayangan ring Bali sampun sayan katilarin olih penontonyane. Dane taler maosang ring PKB, sesolahan wayang kirang penontonnyane. Lianan punika regenerasi dalang taler kirang. Arum Gunawan sane taler dados analis ring Dinas Kebudayaan Bali lan Guru Ajeg Bali 2018 ngangkenin yening Bali wenten tantangan sane abot indik regenerasi Dalang.
Wakil Dekan III Seni Pertunjukan
ISI Denpasar, Kadek Widnyana sesolahan wayang sayan kirang penontonyane lan
kirang regenerasi dalang, riantukan swadharma dados dalang pinih abot. Selami
puniki wantah dalang Cenk Blonk ring Tabanan lan Joblar sane kauningin ring krama
Bali. Sane mangkin ISI Denpasar ngutsahayang sumangdane prasida ngamolihang
para yowana Bali sane seneng ring seni pedalangang,dados dalang lanang wiadin
dalang istri. ISI Denpasar taler
ngicenin beasiswa antuk Seni
Pedalangan. Pihaknyane maosang yening regenerasi dalang sayan kirang riantukan
seni pewayangan nenten pateh sekadi seni sane tiosan.
Ring seni pewayangan wenten nilai
spiritual, taler dalangnyane sane waged ring suara, nyastra, magambel, lan
tatwa carita. Sakemaon seniman I Ketut Muada utawi Jro Dalang Joblar meled
nglimbakang indik seni pewayangan sane sayan katilarin. Jro Dalang Joblar sane
taler dados dosen ring UPMI Bali cumpu yening dados dalang punika abot. Tatiga
seniman punika cumpu Tumpek Wayang lan kawentenan pemimpin anyar ring Bali
dados galah sane becih antuk nguratiang indik pikobet seni budaya utamannyane
seni sesolahan pewayangan. Sayagayang beasiswa lan anggaran sumangdane wenten
dalang sane wimuda. Krama taler kaaptiang ngicenin galah antuk para dalang sane
senior lan junior antuk nyihnayang kreativitasnyane. (Sewaca/Balipost)
0Komentar