Desa Adat Patas Kantun Ngelestariang Tradisi Gebug Énde

SINGARAJAFM,-Tradisi sané kamargiang olih kalih prawira punika pinaka silih tunggil upacara nunas sabeh ring désa. Bendesa Adat Patas Wayan Sueca duk Kamis (9/1) maosang kawéntenan pelalian gebug ende puniki mawit saking wewidangan Seraya, Kabupatén Karangasem. Akeh para krama sane malancaran ka Buleleng duk nguni, ngawinang tradisi puniki kabakta tur kalestariang kantos mangkin. Kantos ring Désémber 2024, parikrama punika malih kalaksanayang. Punika mawinan, sasampun wusan maplalianan, sabeh taler tedun.

Sueca nelatarang wénten makudang-kudang pabinayan Gebug Ende ring Désa Patas taler ring sané saking Désa Seraya, inggih punika kapertama ring gong miwah gamelanné. Kaping kalih, penarikan utawi pangawitnyané taler wénten pabinayan.

Ring pamargi tradisi punika, makakalih juru main Gebug Ende pacang saling igel-igelan nganggén tungked penyalin sané kasarengin antuk tameng sané malakar saking bambu, sane prasida ngawinang tatu ring angga. Puput pacentokan Gebug Ende punika pastika rahayu tur karauhin antuk manah gargita. Sasampuné Gebug Ende, para kramané raris ngambil saluir prakanti minakadi tambah ipuné, raris nandur jagung, kacang tanah, miwah palawija tiosan.

Pinaka tradisi sane sampun wénten duk nguni, tradisi Gebug Ende pastika dados uratian Pemerintah Desa Patas sareng Desa Adat Patas. Desa Patas miwah Desa Adat Pats ka Sekeha Ende pinaka sekaa sané madué anggota kirang langkung 25 diri sané nguripang tradisi Gebug Ende.Pemerintah Provinsi Bali taler sampun ngicénin wantuan dana saking Bantuan Keuangan Khusus (BKK). Lianan punika, pihaknyane taler sayan ngelaksanayang kegiatan Gebug Ende ring acara-acara sane kagelar olih Desa Adat Patas. Puniki matetujon antuk nincapang uratian krame desa miwah wisatawan ring tradisi Gebug Ende.