Raja ring Bali Nunas Mangda Bandara Bali Utara Kawangun Ring Segara

Desain Bandara Bali Utara [Kementerian PUPR]

 Para tokoh Puri saking sajebag Bali kaajak konsultasi olih PT Bali Internasional Bali Utara (BIBU), vendor pawangunan Bandara Bali Utara sane memargi ring Puri Ageng Blahbatuh ring rahina Soma (15/11/2024).

Tokoh Puri tengah sane hadir inggih punika Ida Raja Puri Agung Klungkung, Ida Dalem Semara Putra. Kabaosang tokoh Puri dasarnyane cumpu ring pawangunan bandara lan nenten tabu indik modernisasi.

Nanging, dane negesan, pawangunan ring Bali mangda nguratiang jenius lokal, sane ring Bali sampun kadabdab antuk adat lan tradisi.

"Ring wewidangan Bali Utara wenten Pura sane masejarah. Ngawit Gedung Warmadewa. Mangda nenten tergerus, titiang ngusulang mangda Bandara Bali Utara kawangun ring duur pasihe," baos Ida Dalem Semara.

Manut dane, pembangunan mangda nguratiang unsur sejarah.

"Santukan Bali ring jagat pariwisata sampun kaloktah antuk tradisi-tradisinyane. Dadosne patut kaupapira," pinunas dane.

Sedek punika, saking PT BIBU Panji Sakti, Erwanto Sad Adiatmoko Hariwibowo, nguningayang indik kabuatang Bandara Bandara ring Bali Utara kaanggep mendesak.

"Iraga nargetang siki landasan pacu ring warsa 2027," baos dane.

Selami puniki, Bandara Ngurah Rai sibuk antuk penerbangan antar provinsi kantos ke dura negara, sane kasengguh ngamerluang wantuan saking bandara ring Bali Utara anggen distribusi penumpang.

NAPI MALIH WISATAWAN SANE MANGKIN SERING KE WEWIDANGAN BULELENG ngantos KARANGASEM NGRURUH GENAH WISATA DURA BALI Selatan.

Dukungan tokoh Puri Bali ring Puri Agung Blahbatuh ring Bali kaanggep mabuat anggen mastikayang harmonisasi ring alam Bali.

"Dukungan puniki mabuat pisan anggen mastikayang pembangunan sane memargi aman lan nenten ngerusak alam ring darat utamanyane ring wawidangan suci utawi pura," teges dane.
Sakadi sane sampun kauningin, pawangunan Bandara Bali Utara wantah inisiatif saking swasta lan nenten nganggen dana pemerintah. Investor punika mawit saking perusahaan China, Chang Ye Construction Group, sane madue nilai kolaborasi US$ 3 miliar, pateh sareng Rp 50 triliun.